Facebook dhe familja e tij e aplikacioneve – në mesin e së cilës Instagram dhe WhatsApp – ishin të paaksesueshëm të hënën për disa orë, duke nxjerrë jashtë shërbimi një platformë komunikimi vitale që përdoret nga miliarda njerëz dhe duke treguar se sa shumë bota po bëhet e varur nga një shoqëri e cila është në monitorim të fortë.
Aplikacionet e Facebook – të cilat përfshijnë Facebook, Instagram, WhatsApp, Facebook Messenger e Oculus – nisën të shfaqin mesazhe “error” – raportuan përdoruesit. Brenda pesë minutash, Facebook u zhduk nga internet. Orë më pas, gjithë faqet nuk funksiononin sërish – sipas Downdetector, i cili monitoron trafikun në web dhe aktivitetin e faqes.
Pasojat ishin të menjëhershme dhe globale. Facebook është shndërruar në një platformë referimi me mesazhe, livestreaming, realitetin virtual e shumë shërbime dixhitale. Në disa vende, si Mianmar dhe Indi, Facebook është sinonim i internetit. Më shumë se 3.5 miliardë njerëz në botë përdorin Facebook, Instagram, Messenger e WhatsApp për të komunikuar me familjarë, miq, për të shpërndarë mesazhe politike dhe për të zgjeruar aktivitetin e tyre nëpërmjet publicitetit dhe shpërndarjes.
Ndërprerjet e teknologjisë nuk janë të rralla – por kaq shumë aplikacione që bllokohen nga kompania më e madhe e rrjeteve sociale në botë në të njëjtën kohë – është e pazakontë. Ndërprerja e fundit e rëndësishme daton në 2019 – kur një gabim teknik goditi faqet e saj për 24 orë – duke na sjellë ndër mend se edhe kompanitë më të fuqishme të internetit mund të paralizohen nga një gabim.
Ndërkohë në Twitter, shumë account-e të dyshimtë nisën të thonë se “të dhënat e më shumë se 1.5 miliardë përdoruesve të Facebook” janë “shitur në një forum të njohur hakerash” – duke iu referuar një artikulli në një faqe web të quajtur Privacy Affairs, një shoqëri kërkimesh mbi krimin kibernetik me seli në Rumani.
“Kjo përbën ‘dump’ më të madh dhe të rëndësishëm të të dhënave të Facebook deri më sot” – pohoi Privacy Affairs, duke iu referuar një përdoruesi “të një forumi të njohur hakerash” që publikoi një njoftim për këtë vjedhje.
Një anëtar i një forumi hakerash pretendoi se ishte në zotërim të informacionit në fund të shtatorit dhe ofroi t’ia shiste atë pjesë-pjesë të tjerëve në forum – sipas raportit të Privacy Affairs. Një përdorues tha se kishte marrë një shumë prej 5000 dollarësh për informacionet e 1 milion përdoruesve.
Hakeri që dyshohet se posedonte informacionin e rrjedhur pohoi se ai përfshinte për secilën llogari në Facebook: emrin, adresën e postës elektronike, vendndodhjen, gjininë, numrin e telefonit dhe ID -në e përdoruesit.
Bloomberg shkruan se pasuria personale e Mark Zuckerberg ra me më shumë se 6 miliardë dollarë në pak orë, duke e zbritur në renditje nga klasifikimi i njerëzve më të pasur në botë, për shkak të ndërprerjes për disa orë të Facebook dhe aplikacioneve të tij në zotërim.
Një selloff bëri që aksionet e gjigantit të rrjeteve sociale të binin me 4.9% të hënën, duke iu shtuar rënies me rreth 15% në mesin e shtatorit.
Rënia e aksioneve të hënën e uli vlerën e Zuckerberg në 121.6 miliardë dollarë (nga 140 miliardë në pak javë), duke e renditur poshtë Bill Gates, në vendin e pestë, në indeksin i miliarderëve të Bloomberg.
/ New York Times & Futurism
