Julia Roberts është bërë një nga aktoret më të respektuara dhe më të paguara në “Hollywood”. Ajo feston sot më 28 tetor, 50-vjetorin e lindjes dhe gjatë karrierës së saj në kinematografi mbetet ndër më të pëlqyerat.
Rruga e saj e gjatë drejt famës është shënuar me shumë arritje, të cilat mbahen mend nga ekrani i madh.
Ndërsa kujtojmë rolin e parë të Roberts në 1988-n, ishte ai në filmin “Mystic Pizza”, në të cilën luante si kameriere picerie, Daisy Arujo.
Fitorja e saj e parë e “Golden Globe” dhe nominimi për “Oscar” erdhi vitin pasardhës me rolin e saj tragjik si një shtatzënë diabetike në filmin “Steel Magnolias”.
Por ishte filmi “Pretty Woman” në 1990-n, ku Roberts bëri daljen e saj të parë si aktore kryesore dhe tërhoqi vëmendjen e të gjithë botës së kinemasë. Ajo u pagua 300.000 dollarë për rolin e saj, por pasi u kthye në filmin më të shikuar, pagesa e saj kapi majat.
Deri më tani, Julia ka qenë në një sërë filmash të arrirë. Ndërsa së fundmi ajo aktroi krah Clooney në thrillerin “Money Monster”.
Burimi: Elle
