Vitin e kaluar u përfol se këngëtarja dhe moderatorja, Evi Reçi, ishte në një lidhje me reperi nga Kosova, MC Kresha. Pasi lajmi u publikua në dhjetor të 2018-s, ishte vetë këngëtarja që vendosi të reagonte për “iconstyle.al” duke përgënjeshtruar faktin që mes tyre kishte një lidhje.
“Nuk e di si qarkulloi ky lajm, por di që nuk është i vërtetë. Një gjë e tillë nuk ekziston. Më duhet ta përgënjeshtroj”, u shpreh në atë kohë këngëtarja.
Por sot e pyetur për jetën e saj sentimentale, Evi tregoi se nuk ndodhet më në një lidhje, duke na lënë të kuptojmë se ka pasur një të tillë së fundmi.
“Punët e zemrës vazhdojnë të jenë të qeta. Nuk është puna që e kam të vështirë të gjej një mashkull, është puna e privatësisë”, tha Reçi për emisionin “Thumb”.
Ajo pohoi edhe shprehjen e moderatores Aulona Musta, e cila tha se këngëtarja për momentin është beqare, por ka pasur historitë e saj.
“Ka qenë herët për të treguar. S’ka qenë momenti dhe nuk është momenti”, tha Evi.
Kujtojmë se burime për “iconstyle.al” u shprehën në dhjetor të vitit të kaluar, se dyshja kishte vendosur që ta mbante lidhjen larg vëmendjes së publikut.
Burimi: Iconstyle.al
