Ditën e parë të dhjetorit “Villeroy & Boch” na ofroi të shijonim magjinë e festave. Askush nuk mund t’jua japë më shumë frymën e festave, se sa Pema e Krishtlindjeve, dekorimet e festave të fundvitit, serviset me dizajnët e ngrohta dhe ushqimet e shërbyera me to.
Ndaj “Villeroy & Boch” organizoi më 1 dhjetor eventin e fundvitit, prej të cilit përfitohej deri në 20% ulje për produktet e blera.
Organizimi, i cili mblodhi personazhe të njohur nga fusha të ndryshme, u zhvillua në ambientet e “Villeroy&Boch” në “Qendrën Metropol”.
Gjatë eventit spikatën edhe stilet e paraqitjes së të ftuarve, të cilët janë klientë të markës më të vjetër të seteve të pjatave dhe të filxhanëve, të prodhuar për herë të parë në vitin 1748.
Mes të ftuarve u dalluan këngëtaret Rovena Dilo dhe Jonida Maliqi. Dilo shfaqi stilin e saj, gjithmonë në koherencë me trendin e fundit, pelushin dhe detalin e qenit te çanta. Ndërsa fashionistja dhe këngëtarja Jonida solli një frymë ndryshe me ngjyrat e çelura, pallton jeshile dhe pulovrën portokalli.
Pjesë e eventit ishte edhe ish-këshilltarja e ish-kryeministrit Sali Berisha, Zana Guxholli, gjithmonë “chic” në zgjedhjen e gardërobës së saj.
Ndërsa nuk mund të mungonte menaxherja e “Villeroy&Boch”, Rezarta Ceka dhe menaxheri i “Swatch”, Dino Selimovich.
Hyni në botën magjike të koleksioneve unikë nga ato festiv, te eleganca e luleve aziatike apo bukuria e jetës rurale, ndërsa gjeni dhuratën ideale në ambientet e “Villeroy & Boch” te rr.“Sami Frashëri”, në Qendrën Metropol.
Burimi: Iconstyle
