Eva Longoria mirëpriti një të ftuar speciale në podkastin e saj të ri nga iHeartMedia’s My Cultura Network, “Connections with Eva Longoria”. Aktorja, producentja dhe humanitarja e njohur bisedoi me Huda Kattan, themeluesen e Huda Beauty, një markë bukurie me vlerë mbi 1 miliard dollarë.
Mikeshat e vjetra u lidhën gjatë një bisede të sinqertë mbi diversitetin dhe përfaqësimin në industrinë e bukurisë. Longoria dhe Kattan folën gjithashtu për t’u mësuar fëmijëve të tyre dashurinë për veten në një botë të “FaceTune” dhe operacioneve plastike dhe se si rutinat e tyre të bukurisë kanë ndryshuar pas pandemisë. Huda shpjegon edhe pse “Huda Beauty” nuk përdor më photoshop në fushatat e tyre reklamuese.
“Vajza ime, tani është dhjetë vjeç dhe më kujtohet si ulesha dhe e shihja duke bërë foto. Ajo refuzoi të bënte një foto pa filtër Snapchat-i sikur të ishte normale,” i thotë Kattan Longoria-s, duke iu referuar mënyrës sesi ajo po mundohet të prindërojë në kohën e mediave sociale dhe filtrave.
“E kuptova se në fakt është normale për brezin e saj, dhe normalja është të mos shfaqen si të vërtetë– gjë që është normale për ta. Të mos qenit real është ajo që ata presin të shohin.”
Sipas Huda, pas pandemisë, ajo thjeshtoi shumë rutinën e saj të bukurisë për t’u ndjerë më së miri. “Mendoj se para COVID-it, ne po zbukuroheshim për të tjerët, po zbukuroheshim për ‘gramin’, po zbukuroheshim për ngjarjet ku do të shkonim, po zbukuroheshim për botën e jashtme,” thotë ajo.
“Unë mendoj se COVID me të vërtetë i vendos gjërat ndryshe, sepse duhej të dashuroheshe sërish me grimin. Ne nuk mund ta ndanim atë me botën – askush nuk donte të dëgjonte për të, askush nuk u interesua. Javët e para i hoqa qafe të gjithë thonjtë, ndalova së bëri flokët, flokët e mi ishin kaçurrela.”
Longoria zbuloi se ajo rriti flokët e saj të thinjura dhe ndaloi së ndarë video me grimin e saj të bërë. “As nuk e kuptova derisa pati kaq shumë komente, të tilla si: ‘Oh Eva, më pëlqen si dukesh pa makijazh!’…
Vërtet nuk ishte e qëllimshme;
Mendova, ‘O zot, shiko, po gatuaj me [djalin tim], kjo është një gjë e lezetshme’ dhe e postova”, thotë aktorja dhe biznesmenja. “Pastaj reagimet e njerëzve që shkruanin “Oh, më pëlqen të shoh fytyrën tënde të vërtetë” – nuk e kuptova se çfarë ndikimi do të kishte.”
Edhe pse kompania e Huda-s ka të bëjë me shitjen e kozmetikës, ajo thotë se ka një mesazh më të fuqishëm pas markës së saj dhe se ai fillon me politikën e Huda Beauty-së për të mos patur “photoshop” në foto apo video. “Gjithmonë jam duke u përpjekur të mos bëj photoshop. Nëse grimi është i mirë, tregojeni. Gjithashtu, nuk më pëlqen mënyra se si i përdorim modelet… Unë mendoj se është mirë të tregojmë njerëz të vërtetë, lëkura të vërteta duke përdorur produktet. Mendoj se duhet të jemi pak më të sinqertë në industrinë e bukurisë”, thotë ajo.
