Ajo është shumë aktive në rrjetet sociale dhe çdo aktivitet të jetës së saj të përditshme e ndan me fansat e saj. Gazetarja dhe moderatorja e njohur e emisionit “Boom” i ka befasuar të gjithë teksa ka publikuar dje në “Instagram” një foto ku shfaqet e lumtur dhe me dy tullumbace në dorë.
“Është vajzë”, shkruhet në tullumbacet që ajo mban në dorë.
Kaq ka mjaftuar dhe fansat kanë filluar të urojnë moderatoren e njohur. Por në të vërtetë Fiori ka lënë edhe një koment në përshkrimin e fotos që i konfuzoi fansat.
“Momente të ëmbla. P.S: Nuk jam në pritje të ëmbël”, shkruan Fiori.
Por pavarësisht kësaj të gjithë fansat e kanë uruar me një shtatzëni të mbarë. Pas këtyre komenteve Fiori iu ka shkruar fansave se nuk bëhet fjalë për të, por ka qenë në babyshower-in e një prej mikeshave të saja që është shtatzënë.
Kujtojmë që Fiori është nënë edhe një djali 6-vjeçar, Abelit, foto të të cilit moderatorja e njohur publikon vazhdimisht në rrjetet sociale.
