Gjuetia e paligjshme nuk ka po kursen as shpendët që konsiderohen si specie në mbrojtje në Shqipëri.
“OraNews” ka publikuar fotot e një pelikani kaçurrel që është gjetur i vrarë me armë gjahu mëngjesin e sotëm buzë lagunës së Nartës në Vlorë.
Në video duket qartë që shpendi është qëlluar me armë zjarri. Institucionet përgjegjëse ende nuk kanë reaguar për rastin, por pritet që të merren masa ligjore.
Pelikani kaçurrel rritet në lagunën e Karavastasë në Divjakë dhe atë në Nartës në Vlorë dhe është në mbrojtje pasi cilësohet si një nga speciet e shpendëve më të mëdha që ekzistojnë sot.
