Pas “Ellen Degeneres”, një tjetër emision në SHBA akuzohet për bullizëm. Shfaqja e këngëtares Kelly Clarkson po përballet me disa akuza nga stafi i punëtorëve, pasi 11 prej tyre janë ankuar për bullizëm në mjedisin e punës. Dailymail raporton se punëtorët e quajnë ‘Kelly Clarkson Show’ një mjedis toksik pune.
Punonjësit në ankesën e tyre kanë preferuar të mbeten anonim nga frika e ‘hakmarrjes’ dhe gjithashtu deklaruan se ata nuk besojnë se Kelly Clarkson është në djeni se sa të pakënaqur janë punonjësit me kushtet e punës.
Në deklaratën e tyre ata e përshkruan këngëtaren si “të mrekullueshme” dhe theksuan se ajo nuk kishte të bënte me asnjë nga pakënaqësit e tyre. Në të kundërt, nuk mund të thuhet e njëjta gjë për producentin ekzekutiv, Alex Duda, i cili u cilësua si një “përbindësh”.
