Java që lamë pas ishte tejet e hidhur për reperin e mirënjohur Gashi, i cili humbi dy persona shumë të shtrenjtë, siç ishin xhaxhai dhe kushërira e tij. (KLIKO)
Ndërkohë para disa ditësh reperi ndau me fansat një rrëfim shumë të sinqertë, duke treguar se këtë vit ka kaluar momentet më të vështira të jetës.
Por, nuk mund të themi të njëjtën gjë për karrierën e tij që në 2020 ka njohur vetëm rritje dhe suksese.
Së fundmi, reperi me famë ndërkombëtare ka nisur një rrugëtim të ri këtë herë si model i një marke rrobash.
Ishte vetë autori i hitit “Creep on me” që nëpërmjet një postimi në Instagram bëri me dije lajmin e bukur, duke shkruar se ka ardhur koha të ndryshojë të ardhmen.
Për ata që nuk e dinë unë sapo firmosa me @communitynewyork si model dhe do bëj gjëra të bukura për të gjithë çunat. Është koha për të ndryshuar të ardhmen.
Disa javë më parë Gashi ka nënshkruar një kontratë me studion muzikore RCA Records, që është akronim i Radio Corporation of America. Kjo studio muzikore është në pronësi të Sony Music Entertainment, që është kompania muzikore më e njohur në mbarë botën.
Këtë vit, ai është përqëndruar tek albumi i fundit, që mban titullin “1984”. Në një postim në Instagram Gashi tregoi se e quajti albumin “1984” sepse vuan nga ankthi dhe gjen paqe vetëm kur është në shtëpi duke parë filma ose duke dëgjuar muzikë të viteve ’80.
Pak kohë më parë, reperi i njohur ka sjellë bashkëpunimin e ëndrrave me Sting duke shënuar një hap goxha të rëndësishëm për të.
