Lidhja mes nënës e fëmijës është një ndër më sublimet që përjeton njeriu. Këtë e tregoi edhe këngëtarja Silva Gunbardhi teksa ishte e ftuar ditën e sotme në një intervistë në emisionin “Rudina”.
Silva rrëfen përjetimin e saj si nëna e Dalvit, i cili tashmë është 8-vjeç, i rritur sa të kuptojë emocionet e nënës së tij dhe t’i falë asaj mbështetjen që i nevojitet.
Biseda në studio:
Silva Gunbardhi: Ashtu siç e kuptoj unë Dalvin, më kupton edhe ai mua. Unë dua që jo vetëm të rritet i lumtur, por edhe të bëhet një njeri i mirë. E vlerësoj shumë njeriun. Do e kisha që ai gjithmonë të ndalte dhe të më dëgjonte, ta ndiente dhe ai siç e ndiej unë shqetësimin e tij, gëzimin e tij, pavarësisht se nuk ma thotë dhe deri tani ai më kupton më shumë nga të gjithë.
Rudina Magjistari: Vërtet?
Silva Gunbardhi: Sa herë jam e mërzitur, është i vetmi që vjen dhe më fshin lotët.
Rudina Magjistari: Oh, sa prekëse kjo!
Silva Gunbardhi: Më përqafon dhe përqafimi i tij më shkon në shpirt. E ndiej shumë, më jep shumë forcë, shumë.
