Ditën e sotme regjisori i njohur Gjergj Xhuvani u nda nga jeta në mënyrë të papritur. Ai i mbylli sytë në moshën 55-vjeçare dhe për artin shqiptar është një humbje e madhe.
Miq, kolegë dhe familjarë kanë shprehur ngushëllimet e tyre të sinqerta, megjithatë dhimbja më e madhe rëndon mbi të birin e regjisorit.
Ai ndodhet në burg prej disa vitesh dhe nuk dihet nëse policia do e lejojë që t’i japë të atit lamtumirën e fundit.
Bëhet me dije se Kostandin Xhuvani ka kërkuar leje, por ajo nuk është aprovuar ende.
Konstandin Xhuvani ndodhet pas hekurave dhe vuan një dënim me 35 vite burg si autor i vrasjeve të kryera në 2014.
