Këngëtarja Kida, emri i vërtetë i së cilës është Orhidea Latifi, ka humbur gjyshen e saj. Përmes një postimi në profilin e saj në “Instagram”, Kida jep lajmin e hidhur për ndjekësit se gjyshja ka ndërruar jetë.
Ajo zbulon se gjyshja, ose siç e quan këngëtarja “nanushi”, ishte një ndër personat e saj më të dashur, pasi e kishte rritur që fëmijë. Kida ka publikuar një foto ku shfaqet duke e puthur në faqe, teksa ajo është e shtrirë në shtrat.
“Nanushi jem është shumë e vështirë me fillu me shkrujt për ty, më ke rritur dhe më ke edukuar në mënyrën më të mirë. Faleminderit shumë për çdo gjë që ke bërë për mua nana. Të dua pafund. Do më mungosh shumë! Përgjithmonë në zemrën time. Prehu në paqe” – shkruan krahas fotos këngëtarja Kida.
