Me gjithë atë protokoll mbretëror që të dikton jo po do veshësh këtë, jo po atë, jo po fundi jo më i shkurtër se dy gisht mbi gju, etj. etj., duket e pamundur të vishesh me stil nëse jeton në Pallatin e Kensington-it. Megjithatë, Kate Middleton ka vendosur ta shndërrojë look-un e saj në një stil më ekstravagant, diçka që ra në sy tek dita e pagëzimit të të voglit Archie.
Sipas burimeve të “People”, Dukesha e Cambridge-it ka kërkuar ndihmën e një stilisti që të rikrijojë imazhin e saj publik me një look “më rinor”.
“Po ndiente se look-u i saj ishte bajatosur paksa dhe mendoi se i duhej diçka më e guximshme.”, u shpreh burimi, “Është përpjekur të krijojë një pamje më rinore dhe ka funksionuar.”
Sigurisht, nuk është nga ato shndërrime në pamje që të lënë gojëhapur, megjithatë mund të vini re se tek pritja për pagëzimin e Archie-t, Kate Middleton ka vendosur një kordele të kuqe në kokë, diçka që s’bëhej fjalë ta shikonim më parë.
