Të gjithë e kanë vënë re mënyrën e komunikimit në publik të kryedemokratit Lulzim Basha këto muajt e fundit, që pasi mori fund karantina!
Shumë nga videot live që përcjell ai përmes rrjeteve sociale janë bërë edhe meme në internet. Ky ndryshim në stil, është komentuar shumë ndaj edhe Basha nuk mund t’i shpëtonte dot interesit të publikut për këtë risi.
I ftuar mbrëmë në emisionin “Zonë e lirë”, Basha u pyet nga opinionisti Arjan Çurri për veshjen e tij si dhe ndryshimin e stilit të komunikimit.
Kreu i demokratëve tregoi se “look-u” i tij i ri është thjesht përshtatje me daljet e tij në terren për të takuar qytetarët ndërsa stili i komunikimit lidhet më të qëndruarit më shumë seç duhet brenda në zyrë.
PJESË NGA BISEDA:
Çurri: Ke qenë më formal. Çfarë ka ndodhur?
Lulzim Basha: Po kthehem tek vetja mesa duket.
Çurri: Nëse vetja juaj ishte e tillë, pse jo? Çfarë ka ndodhur z. Basha, iu këshilluan për këtë gjë, që keni ndryshuar stil?
Basha: Ka dy mënyra për t’iu përgjigjur kësaj. Njëra mënyrë është për të vazhduar me atë që është pjesë e një marketimi, të pompuar nga rrjete të fuqishme që po investohen në mënyrë të jashtëzakonshme për figurën e Lulzim Bashës. Tjetra është, kur është vapë, heq xhaketën.
Çurri: Nuk është vetëm tek xhaketa, është një çlirim total i juaji.
Basha: Kam kaluar shumë kohë në zyrë nga ç’do doja, tani jam thjesht në terren, nuk ka truk.
Çurri: A mund të kthehet kjo pjesa e selfie në një pasion?
Basha: E rrezikshme është. Për sa kohë që nuk humbet nga vështrimi objektiv i saj, mendoj që jam okej. Kur e humbet pastaj, bëhesh i rrezikshëm.
/Klan
