“Kush?” është balada më e re që këngëtari Butrint Imeri ka publikuar sot. Veç tekstit të cilin e ka shkruar vetë, ajo që na u fiksua më shumë është videoklipi që ngjan me një film metrazh të shkurtër, i xhiruar qindra vite më herët.
I mbuluar me veshje të rënda dhe shpata nga koka te këmbët klipi “Kush” duket si një seri e shkurtër nga seriali i njohur turk “Ertugrul”, që Butrinti duket se e ka realizuar me mjaft përkushtim.
Duket se këngëtari këtë herë ka dashur t’i këndojë dashurisë në një tjetër mënyrë, duke sjellë pamje të frymëzuars prej qindra vjetësh më parë.
Kënga duket se u ka pëlqyer edhe fansave të tij të cilët kanë shpërthyer me komplimente dhe gjithashtu kënga ka marrë mijëra klikime, edhe pse ka vetëm disa minuta nga publikimi i saj.
