Mbrëmjen e djeshme u mbajt finalja e madhe e Sanremo-s ku u kurorëzuan si fitues Ermal Meta dhe Fabrizio Moro, me këngën “Non mi avete fatto niente”. Votat e publikut i radhitën ata të parët nga 20 pjesëmarrësit e natës finale. Ermali dhe Fabrizio fituan edhe çmimin nga kompania “TIM” për këngën më të dëgjuar gjatë javës së festivalit.
Në vend të dytë u rendit kënga “Una vita in vacanza” të Lo Stato Sociale dhe në vend të tretë “Il mondo prima di te” të këngëtares Annalisa.
Pavarësish polemikave që e shoqëruan këto ditë këngën “Non me avete fatto niente” ajo arriti të triumfonte dhe tashmë do të prezantojë Italinë në Eurovizion që pritet të organizohet në Lisbonë në datat 8, 10 dhe 12 maj. Ne jemi krenar se do të na përfaqësojnë dy shqiptar, Eugent Bushpepa dhe Ermal Meta.
