Ermal Mamaqi i vuri vulën suksesit të tij në kinematografi me dy filmat “2 gisht mjaltë” dhe “I Love Tropoja”. Këta filma u mirëpritën nga publiku dhe pati mjaft komente poiztive për to. Ndërkohë kohët e fundit ai është tërhequr nga ekrani i madh, për t’u përqëndruar më shumë tek pasioni i ri si “motivitional speaker”. Por 2 ditë më parë ai i surprizoi të gjithë teksa zbuloi se shumë shpejt do të vijë me një serial të ri.
View this post on Instagram
Ermali publikoi në Instagram foto të një tabele ku kishte shkruar “Shesim seriale”, duke paralajmëruar në këtë formë projektin e tij më të ri. “Xing.al” ka zbuluar sot disa detaje më tepër rreth këtij seriali, që pritet të transmetohet së shpejti për publikun.
Është mësuar se Ermali do të jetë vetë protagonist i serialit të tij dhe po ashtu mban firmën e producentit së bashku me Dritan Huqin, i cili është anëtar i Akademisë së Festivalit Europian të Filmit. Sipas këtyre burimeve thuhet se Mamaqi i ka besuar njërës prej bashkëpuntorëve të tij më të mirë, skenaristes Klaudia Brahimaj dhe Bjordi Mezinit. Ndërsa sa i përket aktorëve të serialit nuk dihet ende asnjë detaj dhe nuk është zbuluar ndonjë emër, por raportohet se Ermalit do t’i bashohen emra të njohur të kinematografisë shqiptare. Thuhet se xhirimet e serialit sapo kanë nisur dhe tashmë na mbetet të presim publikimin e tij.
