Postimi i televizionit “Klan” për sezonin e ri televiziv (shiko këtu), i bëri lëmsh të gjithë pasi në morinë e programeve të njohur, mungonte ai i Ermal Mamaqit “Xing me Ermalin”.
Javën e kaluar u tha se Ermal Mamaqi nuk do të jetë më pjesë e “Tv Klan” këtë sezon. Duke qenë se ai mungonte në spotin e ri, të gjithë shpejtuan për të dalë në konkluzionin se Ermali do të largohet nga televizioni.
Por revista “Class” raporton se Ermali ka angazhime të reja këtë vit. Sipas burimeve për revistën nga “Tv Klan”, moderatori do të vijojë të jetë pjesë e kësaj familjeje të madhe mediatike, me “Xing”-un e tij, vetëm se me një ndryshim të vogël.
Ai nuk do të nisë transmetimin këtë sezon, pra në prag vjeshte, por në janar, me siguri pasi të ketë mbaruar xhirimet e filmit të tij të tretë. “I love Tropoja”.
Aktori dhe producenti i njohur, Ermal Mamaqi, do të sjellë shumë shpejt filmin e tij më të ri. Pjesë e kastit të aktorëve do të jenë dy këngëtaret Enca Haxhia dhe Bleona Qereti, aktorja Arjola Demiraj, Uindi Haxhia, si dhe doktori i njohur i VIP-ave, Skerdi Faria.
https://www.instagram.com/p/B1lZ4qch20n/
