Ermal Fejzullahu është ndër artistët më të njohur dhe më të suksesshëm shqiptar.
Këngëtari i mirënjohur njihet për projekte të shumta të cilat janë kthyer në hite e që vazhdojnë të dëgjohen ndër vite.
Edhe ky vit ishte mjaft i suksesshëm dhe i angazhuar për këngëtarin, i cili pas koncerteve të shumta gjatë sezonit veror në vend, tashmë ai po vazhdon të ketë të tilla në vende të ndryshëm të Evropës.
Por, në një përgjigje për gazetën Telegrafi, këngëtari zbuloi se ndërkohë është po ashtu në përgatitjet të një projekti të ri muzikor, i cili do të jetë i zhanrit baladë dhe do të vijë në bashkëpunim me një artisti shumë të njohur.
“Do ta kem një bashkëpunim, kënga është baladë ritmike dhe do të jetë në bashkëpunim me një këngëtar, i cili njihet si artistët shumë i mirë i baladave”, ka thënë Ermali në një përgjigje për Telegrafi duke mos dhënë më shumë detaje.
Kënga e fundit e Ermali ishte gjithashtu bashkëpunim me reperin nga Peja, Gjikon, kënga “Sa t’kom dasht”, e cila ka arritur 15 milionë klikime.
Këngëtari është një nga artistët më të kërkuar në trojet shqiptare dhe përpara pandemisë thuajse çdo mbrëmje ai ishte i ftuar në lokale nate për të performuar. Si një pjesë e madhe e këngëtarëve ai ka udhëtuar në të gjitha vendet e botës ku ka shqiptarë për të kënduar dhe sigurisht në këto raste nuk mund të mungojnë aventurat.
