Nënkryetarja e LSI-së Erisa Xhixho është bërë sot nënë për herë të dytë. Vajza e saj Nikol ka lindur e shëndetshme dhe ka ardhur si një dhuratë për vëllain e saj Henri, i cili feston sot ditëlindjen e tij të dytë.
Lajmin e bukur të ardhjes në jetë të Nikol e ka dhënë vet nënkryetarja e LSI-së nëpërmjet një postimi në Instagram, ku shfaqet edhe imazhi i parë i vogëlushes së saj.
“Ka lindur një engjëll me emrin Nikol, që erdhi në shtëpi për të festuar ditëlindjen e vëllait Henri…E mbushur me dashuri dhe e bekuar nga Zoti”, shkruan Erisa krahas fotos ku shfaqet dora e vogël e Nikol.
Kujtojmë që Erisa e dha lajmin e shtatzëninë së saj të dytë gjatë pjesëmarrjes në spektaklin “C’est la Vie”.
