Këngëtarja shqiptare Jonida Maliqi do të përfaqësojë këtë vit Shqipërinë në festivalin europian të këngës dhe do të ketë mjaft surpriza.
Pak orë më parë, kryebashkiaku Erion Veliaj zbuloi se teksa Jonida do të performojë në Eurovision, në Tiranë do të organizohet një festë e paparë për të mbështetur këngëtaren shqiptare.
Ai ka treguar edhe sesi e thërret Jonidën, ndërsa i premton mbështetje të madhe:
“Kemi një surprizë të paparë me @jonidamaliqi për @eurovision! Teksa ajo shkon të na përfaqësojë në Izrael, ne do të kemi një festë mbështetëse të paparë në sheshin “Skënderbej”. FORCA JONÇE”.
Pas marrjes së çmimit Jonida ka filluar një nismë në mënyrë që të mbledhë fonde, pasi ato të siguruara nga RTSH-ja nuk mjaftojnë.
Ajo tregoi se do të trokasë në çdo derë institucioni, biznesi dhe jo vetëm, për t’u kërkuar personalisht ndihmë.
Siç është raportuar para disa kohësh festivali do të mbahet në Tel Aviv, ndërkohë së fundmi u mësua se këngëtarja do të këndojë në shqip këngën e saj konkurruese.
