Në muajin shtator, do të vijë në jetë fëmija i parë i kryebashkiakut Erion Veliaj me bashkëshorten Ajola Xoxa. Në një intervistë për emisionin “Pushime on Top”, ai rrëfeu emocionet e para kur mësoi se do të behej prind dhe se u gëzua shumë se ishte djalë.
“Isha në shtëpi kur Ajola më dha lajmin dhe ishte shumë qejf. U lumturova jashtë mase kur e mësova që do bëhem me djalë, si një shqiptar i vërtetë. Ajola donte gocë, unë doja çun, por tani jemi super të lumtur edhe thamë sa mirë që është çun sepse tani e ka radhën një gocë”, tha Veliaj duke nënkuptuar se familja Xoxa-Veliaj do të jetë e madhe.
Veliaj theksoi se është penduar për kohën që ia ka rrëmbyer familjes për detyrën në krye të Bashkisë, por me lindjen e djalit gjërat do të ndryshojnë.
“Kam humbur shumë kohë që duhet të isha pranë familjes dhe tani që presim një çun të vogël, një Lali të vogël më ka bërë të mendoj se ca gjëra mbeten gjithmonë, familja mbetet gjithmonë”, tha Veliaj duke treguar se do të harxhojë më shumë kohë me familjen.
