Kryetari i Bashkisë së Tiranës, Erion Veliaj e ka treguar vazhdimisht se i pëlqejnë fëmijët, dhe se do të jetë një prind shumë i zoti bashkë me bashkëshorten e tij, Ajola.
I ftuar në programin “Rudina” në Tv Klan, ai ka folur për jetën private. Prej më shumë se dhjetë vjetësh me Ajola Xoxën dhe dy vjetësh të martuar, Erioni tha se më në fund, ata të dy kanë bërë një “marrëveshje” edhe për të kapërcyer një hap tjetër në jetën e tyre – të bëhen prindër:
“2017-a do të jetë një vit kur do të kemi një përgjigje edhe për këtë… “ – tha Erioni pas pyetjes së Rudinës. “Akoma nuk kemi gjë për momentin, por bashkë me Ajolën kemi menduar se gjithmonë do të kemi punë, gjithmonë do të kemi impenjime dhe ramë dakord me një parim: “Kush bën 99 punë, bën edhe 100…”.
