Aktori i njohur Erion Isai pak kohë më parë u largua nga “Portokallia”, por vazhdimisht e ndjek nga pas pyetja se përse u largua.
Këtë të shtunë ai iahte i ftuar në emisionin “Thumb” ku iu përgjigj kësajpyetjeje duke nënkuptuar edhe se ka pasur një konflikt me regjisorin e spektaklit Altin Basha. Erioni tha se me Bashën, tashmë as nuk përshëndeten më, por kjo është pjesë që u përket vetëm atyre dhe, ndoshta publikut nuk i intereson të dijë këtë marrëdhënie.
“Po as nuk përshëndetem, por nuk dua që për njerëzit që kam ndarë punën edhe bukën të flas e të bëj publike marrëdhënie që nuk i takojnë një publiku të gjerë”: tha Isai.
Mes të tjerave, Erioni foli edhe për debatin publik me Jul Dedën. Pas pyetjes nëse do të pranonte të ishte pjesë e 2XL, aty ku luan edhe Jul Deda, Erioni tha se nuk do të pranonte.
“Jo, nuk ndodhte as për Julin në kuptimin më pozitiv të fjalës, por nëse angazhimi im do të ishte sërish në një emision aktual humori, do të isha sërish në “Portokalli”. Unë isha tek spektakli më i mirë i humorit në “Portokalli”, nuk do të ikja në një spektakël më të dobët”: u shpreh ai.
