Erik Fullani, djali ish-guvernatorit të Bankës së Shqipërisë, Adrian Fullanit, ka folur dje për herë të parë për biznesin e tij dhe për jetën personale. Nga studio e Rudinës, ai zbuloi se në sipërmarrjen e tij më të fundit produktet mbajnë emrat e miqve dhe familjarëve të tij.
Erik pranoi se është në një lidhej dashurie prej më shumë se një viti. Jo vetëm kaq por rrëfeu për herë të parë se njëra prej picave që shitet në biznesin e tij mban emrin e të dashurës së tij. Pica Maria Kiara është një prej picave më të shitura në biznesin e tij.
“Emrat e burgerave dhe picave i kam vënë vetë. Për emrat jam frymëzuar nga njerëzit e mi të dashur. Fiona është emri i motrës sime, ndërkohë Maria Kiara është emri i së dashurës sime, kështu ia kam vënë emrat dhe picave. Dhe pica Maria Kiara është pica ime e preferuar dhe është më e shitura. E dashura ime më ka suportuar shumë, ma ka bërë shumë më të lehtë. Ajo studion për Menaxhim Biznes dhe vjen shumë shpesh tek biznesi im”, tha Fullani.
Erik tregoi se më rastin e 24-vjetorit të tij e dashura e surprizoi dhe madje i bëri shumë dhurata.
“Më ka bërë disa surpriza dhe më ka bërë disa dhurata. Më tha hajde të bëjmë xhiro dhe ishte surprizë e bukur. Nuk e kam zbuluar, se kam hall se ma marrin m’sysh. Është më mirë për atë dhe familjen e saj të mos jetë publike. Nuk ka ngel njeri me shpreh dashurin në rrjetet sociale. Ne kemi mbi një vit bashkë dhe njerëzit që duhet ta dinë që ne jemi bashkë e dinë. Unë nuk e kam fshehur marrëdhënien me të.”, tha Erik.
