Para pak ditësh Ledri Vula paralajmëroi fansat e tij se këtë vit do të sillte shumë hite. Reperi publikoi në Instagram një foto të tij dhe përkrah saj shkroi:
“Kena mu gjujt me hite sivjet. Po t’kallxoj!”.
Ledri e mban gjithmonë fjalën dhe zbuloi se së shpejti do të publikojë një këngë të re. Ai ka ndarë në Instagram një video të tij, në të cilën shfaqet duke kënduar e kërcyer me këngën ere. Ky projekt duket se do të jetë mjaft ritmik e me siguri do të jetë hiti i kësaj vere.
“Vjen së shpejti: Don Mo”, ka shkruar Ledri përkrah videos.
View this post on Instagram
Mirëpo, teksa Ledri përgatitet për hitet verore, partnerja e tij Sara ka një problem të cilin e ka treguar për ndjekësit në rrjete sociale.
Pasi ka ripostuar videon e reperit në InstaStory, ajo na ka treguar se Ledri “llastohet” gjatë muajve të verës.
“Erdhi vera dhe hajde duro Ledrin që llastohet”- shkruan ajo, duke treguar hapur ‘ankesat’ e saj për partnerin.
Epo, i ka “vipllëku” i babi Ledrit ndonjëherë këto. Ndryshe, kush do të na sillte hite ne?
Para pak javësh u përfol se Ledri dhe Morena mund të vijnë në një bashkëpunim me njëri-tjetrin. Shkak për dyshim u bë një koment, që reperi la në një foto të Morenës. Këngëtarja publikoi në Instagram, një foto nga Dubai dhe krahas saj shkroi:
‘Kush e di?!!’
Menjëherë të gjithë vunë re komentin e Ledrit, i cili ju përgjigj pyetjes së Morenës: “Unë e di”.
Tashmë do të na duhet të presim publikimin e këngës dhe të mësojmë nëse bëhet fjalë apo jo për një bashkëpunim mes dy këngëtarëve.
