Prej ditësh Loredana ndodhet në Kosovë, ku është fotografuar në shoqërinë e Mozzik, duke ngritur peshë zemrat e të gjithë fansave.
Sikundër u raportua edhe ditën e premten arsyeja e ardhjes së saj në Kosovë lidhet me xhirimet e klipit të këngës së re që pritet të publikohet së shpejti.
Megjithatë, ajo ka publikuar ditën e sotme në rrjetet sociale një video, duke ndarë me fansat një pjesë nga kënga.
Kënga titullohet “Tut mir nich leid” dhe mesa kuptuam do jetë në gjermanisht, teksa reperja e ka shoqëruar videon me mbishkrimin: “Pse unë jam akoma në wallpaperin e telefonit tuaj?”
Ndërkohë, fansat kanë filluar të aludojnë se si një surprizë WOW! Mozzik dhe Loredana mund të vijnë me bashkëpunimin e vitit, si pjesë e Medusa, albumit të ri të Loredanës që publikohet në dhjetor. Kujtojmë se në intron e tij ajo flet për 18 muajt e fundit të jetës së saj, mes të tjerash edhe për Mozzik.
Nëse shumë prej jush e shohin pak si të pamundur këtë, atëherë mundësia tjetër është që ajo të bashkëpunojë me Kidën. Ato befasuan fansat dy javë më parë kur pozuan krah njëra-tjetrës, me të njëjtin look, dhe ne me zor i dalluam.
Dhe hipoteza e fundit-është që Loredana të vijë vetëm në një këngë të re. Dhe me siguri kjo hipoteza e fundit është e vlefshmja së fundmi.
