Në intervistën e saj për radion britanike, Kiss UK, Era Istrefi foli për suksesin e saj me këngë “Bonbon”, si dhe projektet e ardhshme.
Por veç kësaj, këngëtarja nga Kosova u pyet lidhur me artistët që e frymëzojnë ajo është shprehur: “Eshtë Rihanna, Beyonce dhe Lana Del Rey”. Por duket se prezantuesit i ka bërë përshtypje kjo e fundit, dhe ka kërkuar të dijë diçka më tepër.
“Ka një histori në fakt me Lana Del Rey. Përpiqesha të hiqja mërzinë, trishtimin dhe dihet që kjo ndjesi është e keqe dhe duhet ta heqim qafe sa më shpejt të jetë e mundur, por Lana Del Rey më ka bërë të kuptoj se trishtimi mund të jetë shumë i bukur nëse e kthen në art. Ky ka qenë mesazhi që kam marrë nga muzika e saj, të cilën e shijoj shumë”, ka shtuar Era.
