Koreografi personal i Beyonce-s, Chris Grant, ndodhej në Prishtinë të dielën, bashkë me Faton Shoshin, menaxherin e Era Istrefit dhe Ledrit.
Aty lindën dyshimet se mos vallë diçka mes Ledrit dhe Beyonce-s po lindte, duke qenë se edhe producenti i mbretëreshës së muzikës pop ka komentuar në foton e Shoshit.
Por burime të sigurta pranë skuadrës së “Nesër” mohuan faktin që Grant po punon me Ledrin, por kanë treguar ekskluzivisht për Blitz.al se koreografi i Beyonce-s ndodhet në Prishtinë për të punuar me këngëtaren shqiptare, Erën.
“Chris nuk po punon me Ledrin, sepse Ledri po përgatitet për diçka tjetër, akoma më të madhe”, – mëson Blitz.al.
“Koreografi ka ardhur në Prishtinë për të punuar me Erën për festivalin në të cilin do të performojë në Rusi”.
Por puna e Grant nuk përfundon këtu. Ai do të punojë me Erën gjatë gjithë kohës, madje edhe për klipin e ri që do të vijë shumë shpejt. Për një gjë jemi të sigurt: pas ushtrimit me Chris, Era nuk do të njohë më konkurrencë!
