Pak minuta përpara se të niste ceremonia e çmimeve “Video Music Awards”, Nicki Minaj sulmoi online reperin Travis Scott, të cilin e akuzonte se po përdor vajzën e tij Stormi dhe partneren Kylie Jenner për të promovuar albumin “Astroworld”.
Dhe kamerat kanë filmuar një moment shumë të sikletshëm në tapetin e kuq disa orë më pas, ku shfaqet mbretëresha e Make Up-it duke i bërë bisht reperes. E veshur me një xhaketë të gjatë të bardhë, Kylie Jenner shoqërohej nga stafi i saj në tapetin e kuq dhe po ecte drejt daljes.
Mirëpo pikërisht në këtë moment, mbërrin Nicky Minaj dhe Jenner ndërron menjëherë rrugë dhe kthehet të kërkojë mendim te asistentja e saj. Mesa duket, Kylie Jenner ka vendosur të qëndrojë larg vëmendjes së mediave dhe sherreve.
Sipas Nicki Minaj suksesi i albumit të Travis Scott, “Astroworld” është i pamerituar pasi ai ka përfituar nga fama e Kylie Jenner.
“Derdha gjak e djersë për atë album fantastik dhe Travis Scott përfiton nga Kylie që poston foto nga turneu dhe thotë hajdeni takoni Stormi-n. Më bëni për të qeshur. ‘Queen’ theu rekordin duke qenë në vend të parë në 86 vende. Faleminderit Jezus dhe faleminderit fansa.”, shkruan Nicki.
