Enrique Iglesias u detyrua të anulojë një performancë në festivalin muzikor Tecate Emblema në Mexico City për shkak të sëmundjes. Vetë artisti lëshoi një deklaratë duke shpjeguar se vuante nga pneumonia dhe se mjekët i kishin kërkuar që të ishte në regjim absolut në shtrat.
Kur lajmi filloi të përhapej, ishte artisti ai që postoi në Instagramin e tij se duhej të anulonte shfaqjen.
“Unë kam pneumoni dhe mjekët më kanë këshilluar të pushoj absolutisht dhe të mos hipi në aeroplan. Sinqerisht jam i trishtuar për atë që do të thotë të anulosh këtë shfaqje në një vend që më ka dhënë kaq shumë”- tha Enrique.
Ka qenë nëna e tij, Isabel Preysler, ajo që ka përditësuar për gjendjen e artistit.
“Ishte një frikë, por për fat ai është në shtëpi tani”, tha Preysler për gazetarin Carlos Perez Gimeno.
“Djali im është shumë i përgjegjshëm dhe ishte një zhgënjim i madh për të që duhej të anulonte koncertin sepse është një profesionist i madh”.
Pavarësisht ndërprerjes nga koncertet, artisti ka ripublikuar videon për këngën e tij të njohur ‘Hero’.
