Moderatori i njohur i emisionit “100 Milionë”, Eno Popi u bë sot babai për herë të parë. Vajza e tij ka ardhur në jetë në SHBA-ës, por Eno nuk ishte pranë partneres në këto momente emocionuese.
“Edhe Atena edhe vajza janë shumë mirë. Kemi zgjedhur ta quajmë Liv. Është një ndjesi dhe emocion shumë i bukur”, është shprehur Eno për revistën “Class”
Liv është një emër tradicional skandinav dhe do të thotë “mbrojtje, përkrahje”, ndërsa në gjuhën norvegjeze, suedeze dhe daneze do të thotë “Jetë”.
Enos do t’i duhet të presë edhe disa javë që të mbajë në krahë vogëlushen e tij. Ai do të shkojë në SHBA vetëm pas disa javësh, për t’u kthyer më pas në Shqipëri të tre së bashku, si një familje e kompletuar.
