Jemi shumë të lumtur ta themi këtë fjali: “Vjeshta erdhi”! Tanimë, jemi të lirë të nxjerrim të gjitha rrobat nga dollapi dhe të ushtrojmë sportin tonë të preferuar, atë të kombinimit të veshjeve. Vjeshta nuk do të thotë vetëm ngjyra të mërzitshme, pasi me shumë pak kreativitet mund të bëjmë çmendurira. Gjithsesi, nuk keni përse të lodhni trurin për këtë, pasi revista “Elle” ka një sugjerim shumë të vlefshëm për të gjitha shenjat e horoskopit. Lexoni më poshtë:
Dashi – Xixat Kira Kira
Personat e shenjës së dashit janë gati për festë, ndaj veshja plot ndriçim është ideale! Mos harroni se shumë xixa, asnjëherë nuk është mëkat! Kombinojini me çizme të gjata në ngjyrë metalike, apo fustane të të njëjtës ngjyrë dhe do të ndjeni pushtetin.
Demi – Kuadratat
Nëse jeni viktimë e modës, atëherë me siguri që i adhuroni kuadratet dhe iu duken magjike! Nga Michael Kors tek Christian Dior, kuadratet po përqafohen gjërësisht nga fashionistat. Ndaj hidhu në sulm, nëse i përket shenjës së demit, nuk ke përse e mendon më!
Binjakët – Getat prej ylberi
E keni shumë të vështirë të zgjidhni një ngjyrë? Nuk ke faj, je “binjak”! Ndaj kur të blini getat për këtë sezon, mos iu ndani ngjyrave të ylberit.
Gaforre – Xhaketat “jorgan”
Të ngrihesh në mëngjes nga krevati, le të themi se nuk është sporti juaj i preferuara. Ndaj e keni të vështirë të hiqni dorë kollaj nga kjo rehati dhe thjesht hidhni sipër një super xhaketë apo pallto, që ngjan si jorgan.
Luani – Printet e kafshëve
Nuk e kanë ndërmend të ikin ndonjëherë nga moda! Ndaj i dashur luan, përfshihu në trend sepse është e preferuara jote!
Virgjëresha – Stili Boheme
Ky trend flet kaq shumë për personalitetin tuaj! Adhuroni të riktheheni pas në kohë, në ato vite kur stili “Bohem” ishte kryefjalë. Ndaj këtë sezon, keni mundësi ta riktheni sërish…
Peshorja – Ngjyra rozë
Ah ngjyra rozë, ngjyra e dashurisë, përputhet kaq mirë me peshoren! Rrisni temperaturat me këtë ngjyrë, pasi nuk hiqni dot dorë nga e ëmbla.
Akrepi – Syzet me ngjyra
Ju nxorrëm zbuluar?! Mund të hiqni dorë nga gjithçka, vetëm që të mbani syzet plot ngjyra me veshjen tuaj të preferuar. Mos u ndjeni keq, pasi ky trend është shumë cool!
Shigjetari – Çantat e mëdha
Në çantën tuaj, gjendet gjithçka! Ndaj vetëm çantat “oversize” mund t’ju bëjnë punë! Nga ana tjetër,është trendi juaj i dashur Shigjetar, mos e humb këtë mundësi!
Bricjapi – Kostumet “sexy”
Në javën e modës në New York, kostumet sexy ishin mahnitëse! Ndaj personat që i përkasin shenjës së bricjapit, e dinë shumë mirë se për çfarë po flasim!
Ujori – Vitet 80
Ujorit i pëlqen të kthejë kohën pas në kohë dhe të preferuar ka vitet ’80. Ndaj mos u çudisni kur të shihni çmendurira në rrugë, është vetëm ujori që po përpiqet të jetë vetvetja.
Peshqit – Veshjet si sirenë
Po ëndërrojmë?! Personat e shenjës së horoskopit peshqit adhurojnë të kthehen në sirena gjatë kohës që po ecin në rrugë! Ndaj zgjedhin sa më shumë ngjyra!
