Ditën e djeshme Madonna dhe Maluma, dy nga yjet e muzikës botërore kanë publikuar një këngë të titulluar “Medellin”, e cila brenda 24 orëve ka marrë 3 milion klikime.
Lidhur me këtë ka reaguar këngëtarja e njohur shqiptare Eni Koçi e cila ka thumbuar keq kolegët e saj përmes një postimi në Insta Story: “3 milion për 24 orë. Madonna dhe Maluma, po çfarë janë Maluma dhe Madonna përpara 1-shave të Shqipërisë? Këtej nga ne kapen për një orë!”
Siç e patë edhe nga fotoja e mësipërme, Eni nuk ka përmendur emra konkretë, edhe pse duket se i ka pasur disa personazhe të njohur në kokë, por nuk ka dashur që t’i bëjë publikë.
Ajo çka ka lënë të nënkuptohet është se disa këngëtarë shqiptarë blejnë klikimet dhe ky fenomen për hir të së vërtetës është një nga më të përfolurit e momentit.
