Eni Koçi ka ardhur së fundmi për publikun shqiptar me këngën “Vetëm ti”, një bashkëpunim ky me Genc Prevlukajn. Me këtë të fundit këngëtarja është përfolur edhe për një lidhje dashurie. Asgjë ende zyrtare, por në mënyrë të nënkuptuar na e kanë lënë të mendojmë se ata janë më shumë se miq.
Bashkëpunimi i tyre është pritur shumë mirë nga publiku shqiptar dhe kjo duket se e ka entuziazmuar Enin për të ardhur në treg edhe më një këngë të re.
Në rrjete sociale, këngëtarja ka postuar një foto me të cilën ka pyetur fansat se a janë gati për këngën e re, e cila vjen më shpejt se sa është menduar.
“Pra…. kush është gati për këngën e re?”, ka shkruar Eni në foto, të cilën mund ta ketë shkëputur nga një pjesë e klipit të ri.
Kënga “Vetëm ti”, ka kapur shifrën prej 3 milionë klikimesh dhe për këtë gjë si Eni ashtu edhe Genci janë shprehur të lumtur dhe kanë falënderuar fansat përmes rrjeteve sociale.
