Rrallë mund kemi parë Eni Çobanin jashtë kornizave të juristes. Për pak kohë la mënjanë profesionin e saj si juriste dhe tregoi diçka më shumë nga vetja.
Për karakterin e saj serioz, disa prej nesh nuk mund ta kishin menduar se Eni i pëlqen festat dhe kërcimin.
“Nëse do ta kesh mirë me Enin lërë të lirë. Kërcej shumë, pa fund, nuk di të ulem, qëndroj vetëm në pistë”, tregoi Eni për “Thumb”.
Ajo u shpreh se kujdeset shumë për veten dhe dëshiron që njerëzit gjithmonë ta shohin në formën e saj më të mirë. Eni ka treguar edhe amanetin që i ka lënë djalit përpara se të vdesë.
“Dua që njerëzit të më shohin sa më mirë. Unë i kam lënë porosi djalit, që kur të vdes, të largohem nga kjo botë kështu e kuruar siç më njohin të gjithë”, tha juristja më e dashur për publikun shqiptar.
