Eni Çobani është paditur pas pas një episodi të rubrikës “Shihemi në gjyq” të datës 3 dhjetor.
Gjyqtari i Gjykatës Korçë, Seladin Pyslyqi. pretendon se Çobani ka lëshuar fjalë fyese ndaj tij.
Konkretisht bëhej fjalë për familjen Lushi nga fshati Poloskë i Devollit, ku dy prej anëtarëve të saj kishin probleme pronësie me familjarë të tjerë.
Gjatë fjalës së saj, Eni Çobani ka komentuar dy vendimet gjyqësore të dhëna mbi çështjen nga Seladin Pyslyqi duke thënë:
“Ky nuk është vendim. Nuk e di se çfarë është, por vendim nuk është. Prandaj sistemi gjyqësor është me plagë të rënda. Për këta gjyqtarë duhet vetingu. Me kërkesën time, dosjen e ketij gjyqtari do ua çoj organeve të vetingut.”
Tani që vetë Eni Çobani është në palën e të akuzuarës, vrasim mendjen kush mund të futet si ndërmjetës midis tyre. Eni vetë jo njëherë!
/ City News
