Këngëtarja dhe moderatorja e njohur Eneda Tarifa i ka përlotur të gjithë me publikimin e një historie në “Instagram”. Eneda shprehet se kjo është një nga historitë që e ka lexuar në koncertin e bamirësisë “Ende ka jetë”.
Historia bën fjalë për një vajzë së cilës i fillon emri me S., e cila rrëfen lidhjen e saj dhe vështirësitë pasi mbeti shtatzënë.
Kujtojmë që Eneda vetëm pak kohë më parë është divorcuar nga bashkëshorti, shkaqet e kësaj ndarje nuk dihen, por kjo e bën edhe më prekës këtë postim.
“Unë jam S.
Në fillim ishim të lumtur. U njohëm në Greqi dhe gjithçka mes nesh shkonte për mrekulli. Pastaj, kur mbeta shtatzënë e kur mendoja se do të përjetoja emocionet më të bukura, në pritje të fëmijës së parë, jeta ime u përmbys e u nxi e gjitha.
Ai u bë i dhunshëm dhe shumë i rrezikshëm. Më gjuante, më ofendonte dhe më shfrytëzonte ndërkohë që isha shtatzënë.
Për vite me radhë jetuam kështu, me dhunë.
Edhe kur erdhi fëmija i dytë, i tretë… asgjë nuk ndryshoi, përkundrazi ai nisi t’i keqtrajtojë edhe ata.
Sillej keq, nuk na donte e na linte edhe pa bukë.
Unë punoja por lekët mi merrte gjithmonë ai.
Kisha frikë dhe nuk kisha mbështetje askënd deri në momentin kur dikush më zgjati dorën dhe më ofroi mbrojtje, mua dhe fëmijëve.
Tani jam këtu, e ndihmuar nga organizata që më riktheu në jetë, ndërsa ai është aty ku e meriton, në burg!
Tani ndjehem e sigurt. Çfarëdo që të ndodhë, nuk do të dorëzohem më, asnjëherë.
Një nga historitë që lexova në koncertin e bamirësisë ‘Ende ka jetë’.”
