Eneda Tarifa ka premtuar se gjatë sezonit veror do të vijë jo me një por me dy surpriza të reja.
Së fundmi në një intervistë të improvizuar me një nga konkurrentët e “Top Talent”, ajo ka treguar se po punon për dy materiale me dy artistë shumë të njohur.
Për njërin prej tyre ajo ka zgjedhur muzikantin dhe kompozitorin, Edmond Rrapi, i cili është edhe vëllai i Salsano Rrapit, raporton “Who”.
Ndërsa për tjetrin këngëtarja ka zbuluar se po bashkëpunon me Flori Mumajesin.
Së fundmi Eneda Tarifa është bërë pjesë e emisionit të talenteve në “Top Channel” si moderatore.
