Eneda Tarfia ka qenë kryefjala e mediave rozë pas zërave se ajo dhe bashkëshorti i saj i dhanë fund martesës së tyre shumë vjeçare.
Interesi i publikut për këtë histori ishte i madh dhe mediat nxituan për të rreshtuar detajet që tregonin se çifti nuk ishte më bashkë. Ky fakt me sa duket e ka revoltuar këngëtaren, e cila në një intervistë në “Pop Culture” tha se mediat kishin abuzuar me historinë e saj. Ajo për herë të parë në mënyrë indirekte pranoi se është ndarë.
“Historia ime ishte e qetë, shumë e bukur, shumë interesante. Ndihem e fyer për këtë fakt, që njerëzit mundohen të hedhin baltë.”, tha këngëtarja.
Eneda ka zgjedhur të reagoj përsëri për aludimet që janë bërë për divorcin e saj dhe lidhet me titujt e pak ditëve më parë. E ftuar në një aktivitet bamirësie, këngëtarja lexoi historinë e një gruaje të dhunuar, duke bërë që shumë media të aludonin se shkak i ndarjes së saj ishte bërë dhuna e partnerit të saj.
“Para disa ditësh lexova një histori të një gruaje të dhunuar, në një koncert bamirësie, bashkë me kolegë të tjerë si, Juliana Pasha, Aurela Gaçe, Elton Deda etj. Portalet e morën sikur unë po flisja për bashkëshortin tim Erjon Zaloshnjën që është një ndër njerëzit më të qetë, më të përkushtuar dhe një intelektual i mirë i këtij qyteti. Ju lutem portaleve meqë janë kaq të padjallëzuar, të korrigjojnë titujt se i kanë gabimi. Faleminderit për mirëkuptimin” është shprehur Eneda.
