Loredana është një nga nga reperet më të suksesshme të momentit. Sa herë flite për të vëmendja është maksimale dhe në fakt ajo u ka dhënë vetë shkak mediave që të shkruajnë për të përmes provokimeve të shpeshta që bën në rrjete sociale. Para disa ditësh ajo bëri lëmsh gjithë rrjetin duke ndarë në Instagram foto me një bebush dhe të gjithë menduan se bëhej fjalë për një fëmijë të dytë. Por më pas ajo zbuloi se përmes asaj fotografie parlajmëroi thjesht projektin e ri, bashkëpunimin e parë muzikor me Mozzik pas shumë kohësh.
Kënga e tyre e përbashkët mban titullin “Rosenkrieg”, që do të thotë “lufta e trëndafilave”.
Duke qenë se emri i Loredanës është kaq shumë i lakuar, ajo ka dhënë një intervistë për revisëtn gjermane “Grazia” ku ka treguar disa fakte rreth jetës së saj.
Reperja shqiptare ka treguar se ëndrra e saj është që të ketë një familje të madhe dhe dëshiron të ketë 5 fëmijë në të ardhmen. Ajo thotë se gjëja që e bën më shumë të lumtur për momentin është koha që kalon me familjen e saj, praktikisht me Mozzik dhe Hanën. Loredana tregon se stili i saj ka ndryshuar shumë që nga momenti që është bërë nënë dhe se tani i pëlqen shumë të veshë rroba të gjera.
Loredana thotë se 3 ngjarje të rëndësishme në jetë si: lindja e Hanës, vdekja e babait dhe publiikimi i këngës “Sonnenbrille”, e kanë formuar. Ajo shprehet se modeli i saj në jetë është vetvetja dhe askush tjetër. Ajo tregon se pasioni i saj i fshehtë janë takat e larta. Loredana zbulon se ka blerë disa prej tyre, por kurrë nuk i ka veshur, sepse është fanse e madhe e këpucëve të sheshta.
