Albana Osmani dhe misioni i saj në ndihmë të fëmijëve në nevojë duket se nuk ka të ndalur. Endrra e prezantueses së njohur duket se po bëhet realitet pasi së shpejti “Ti je një lule dielli” do të jetë një projekt i cili do të realizohet në bashkëpunim me organizatën ndërkombëtare “UNICEF”.
View this post on Instagram
Coming Soon … @you_are_a_sunflower @unicef #soexited #ijustcanthideit #lalalalala
Lajmin e ka bërë të ditur vetë Albana nëpërmjet një videoje të postuar në llogarinë e saj në “Instagram”, ku bashkangjitur ka lënë të nënkuptohet se ky bashkëpunim do të konkretizohet së shpejti.
“Nuk mund ta fshihja, së shpejti…”-ka shkruar Albana, bashkangjitur logos së “UNICEF” sipër së cilës qëndron edhe ajo e “Ti je një lule dielli”.
Që nga dita kur prezantuesja filloi të hidhte hapat e parë në këtë projekt ambicioz, ajo është shkëputur disi nga angazhimet e saj televizive. Për këtë sezon ende nuk dihet në qoftë se Osmani do të jetë në krye të një programi televiziv ose jo.
