Tani që jemi në fund të muajit korrik gjithçka që na intereson është sesi do të jetë moti në muajin gusht.
Ky muaj do të mbyllet me rritje të temperaturave por në mënyrë graduale, me 32-33 gradë.
Ndërsa për muajin pasardhës meteorologët parashikojnë se do të ketë një mot të kthjellët me temperatura tipike të gushtit, por jo aq të nxehta sa të korrikut.
Nëse i keni lënë për në gusht pushimet, atëherë mos u shqetësoni pasi dy javët e para do të ketë kthjellime edhe pse jo temperatura më të larta se 35 gradë, sipas “Report tv”.
“15 ditëshi i parë i muajit gusht do të sjelli rritje të temperaturave pasi do të kemi dhe qarkullim të masave ajrore nga veriu Afrikës, që do të sjelli rritje të temperaturave.
Gjatë gushtit pritet që të kemi temperatura jo me shumë se 35 gradë, do të kemi një shkëputje me dy apo tre ditë duke bërë që të kemi rënie të temperaturave dhe prani të reshjeve të shiut, dhe pritet që pjesa e dytë e muajit gusht të mbyllet me temperature tipike të muajit”.
/Report tv
