Këngëtarja Enca Haxhia ka udhëtuar këto ditë drejt Dubait me shoqërinë e saj, për të kaluar disa momente relaksi.
Në rrjete sociale, ajo ka ndarë herë pas here me ndjekësit foto e video nga pushimet e saj që kanë qenë tepër të komentuara në rrjet.
Këngëtarja po i shijon këto ditë në maksimum dhe shprehet se dëshiron të jetojë gjithmonë në Dubai. Madje, ajo shtyu edhe datën e kthimit për të qëndruar atje edhe disa ditë të tjera.
View this post on Instagram
Enca nuk na i ka kursyer fotot e videot nga Dubai në llogarinë e saj në Instagram, teksa tregon sa shumë po argëtohet (Madje festoi edhe jo-ditëlindjen).
Sot, këngëtares shqiptare i ka ndodhur një rastësi e bukur me mundësin e famshëm Conor McGregor.
Ata jo vetëm që kanë qenë në të njëjtin moment në të njëjtin vend, por edhe janë ulur pranë njëri-tjetrit, siç tregon ajo në Instastory.
“Unë dhe Conor McGregor rastësisht të ulur pranë njëri-tjetrit. E dashuroj Dubain!”- ka shkruar ajo.
Megjithëse ka treguar se ndodhet atje me shoqërinë dhe askënd tjetër, një pjesë e ndjekësve e kanë ngacmuar këngëtaren duke e pyetur se kush ia ka paguar pushimet në Dubai.
Sigurisht, kjo nuk i ka pëlqyer aspak Encës, e cila është bërë “bishë” nga këto komente me “pushime të paguara nga sheikët”. Nëpërmjet një videoje, ajo sqaron si është puna e pushimeve të saj “të paguara”.
Këngëtarja i quan pa nivel personat që kanë bërë komente të tilla, duke u shprehur se i siguron vetë paratë e saj për t’i siguruar vetes gjithçka që do. Ndaj, ajo tregon se nuk e ka aspak të nevojshme që pushimet t’ia pagujë një sheik. Enca shprehet se s’ka shkuar as në Hënë dhe as në Mars, ndaj nuk është aq e pamundur që ajo të shkojë për një palë pushime në Dubai. Siç ajo shprehet, këngëtarja është në krye të top-listave ndaj edhe pagesa e saj është e lartë.”
Për më tepër, ndiqni videon e saj:
