Nuk është hera e parë që personazhet publikë shqiptarë flasin për temën delikate të bullizmit.
Së fundmi, Enca ka ndarë me ndjekësit në Instagram eksperiencën e saj, duke pranuar se është bullizuar jo vetëm drejtpërdrejtë, por edhe në internet.
Sigurisht, kjo është diçka tepër e vështirë për t’u përballuar, mirëpo ata që e kanë kaluar mbi kurriz mund t’i ndihmojnë të tjerët me këshilla.
Këngëtarja tregon se ajo gjithashtu si një pjesë e mirë e njerëzve është bullizuar, megjithatë ka mbledhur forcën për t’ia dalë pa u “dëmtuar”.
“Jam bullizuar shumëëë, por unë e di vlerën time dhe kush jam, ndaj s’ma ka ndjerë ndonjëherë. Kështu duhet të bëni dhe ju.
Do të flasim një ditë tjetër për këtë.”- shkruan Enca.
Më tej, këngëtarja tregon se personat që e kanë bullizuar dikur, kanë ndryshuar sjellje ndaj saj tashmë që është bërë e famshme.
“Njerëzit që më kanë bullizuar në të kaluarën, tani më përgjërohen për mesazhe, audio, foto, autografe për kushërinjtë, motrat, vëllezërit apo fëmijët e tyre, që më duan.
Kjo mund të jetë historia jote gjithashtu! Vazhdoni të shkëlqeni mbretër dhe mbretëresha.”- shkruan Enca.
Ky ishte një mesazh i mirë që mund t’i vijë në ndihmë të gjithë personave që bullizohen.
