Enca është padyshim një nga këngëtaret që ka treguar se i pëlqen shumë të luajë me look-un e saj. Kemi parë se ajo ka eksperimentuar shumë me flokët, duke provuar ngjyra të ndryshme, të cilat i shkojnë të gjitha.
Ajo nuk ka rezistuar dot më gjatë dhe ka ndryshuar pamjen e saj, duke bërë një prerje të thjeshtë të flokëve dhe ngjyrë me nuanca më të hapura.
Për këtë ndryshim, Enca ka treguar përmes disa fotove që postoi në Instagram, e që dukej në formë të mirë dhe mjaft tërheqëse.
“25 vjeçarja më e lezetshme që njoh”, ka shkruar Enca në një postim në InstaStory.
Përsa i përket projekteve të saj muzikore, Enca solli këtë verë këngët “Rakia” dhe “Suavele” që u pritën mjaft mirë nga publiku dhe numërojnë miliona klikime në platformat muzikore.
Kujtojmë se kënga e saj, “Rakia” u diskutua gjerë e gjatë në media e rrjete sociale. Këngëtarja kishte zgjedhur si protagonist në klip ish-konkurrentin e “Për’puthen”, Beart Rexhepin, me të cilin shfaqet në skena shumë të nxehta dhe duke bërë lëvizje provokuese në shtrat.
Megjithatë ata treguan se mes tyre nuk ka asgjë më shumë përtej bashkëpunimit për punë dhe miqësisë. Madje gjatë një interviste virtuale me ndjekësit, Bearti u shpreh me konsideratat më të larta për Encën.
“Njeriu më pozitiv, ajo të bën të ndihesh komod, ka disa fjalime të mrekullueshme motivuese për jetën, është shumë e zgjuar dhe është shumë e ëmbël si një beb…”, u shpreh Bearti.
