Enca dhe Noizy janë dy artistë të cilët kanë pasur një miqësi të ngushtë mes tyre dhe madje edhe bashkëpunime muzikore. Mirëpo që pas sherrit të bujshëm të tyre, i cili u pasua edhe me largimin e Encës nga grupi “OTR”, jo të pakta janë rastet kur ata e kanë thumbuar njëri-tjetrin edhe publikisht.
Madje Noizy pretendon se ai ka qenë shtylla kryesore e suksesit të saj.
Edhe pse ka kaluar shumë kohë nga këto deklarata të reperit, Enca nuk ndalet dhe e ka thumbuar sërish Noizy-n.
Ajo ka publikuar në Instastory një sërë fotosh dhe video ku tregon sukseset e saj ndër vite dhe nëpërmjet një statusi ka treguar se gjithçka e ka arritur falë punës së saj dhe ndihmës së familjes.
“Dhe tashmë përgjigja djema … shumë njerëz u bënë pjesë e rrugës së udhëtimit derisa unë u bëra, isha vetëm, vetëm unë dhe familja ime.
Ndiqni dhe ju ëndërr tuaj dhe mos lejoni askënd t’ju tregojë se çfarë të bëni, ose tregoni se nuk jeni mjaft të mirë apo edhe më keq, tregoni se ju kanë bërë njerëzit e tjerë.
Dhe më e rëndësishme për të gjithë është të jesh njeri i mirë, nuk mund të jesh artiste nëse nuk je njeri i mirë.”, shkruante Enca
“Merrni një këshillë nga një artist i vetë-krijuar Ju jeni i mirëpritur. Paçi fat”, përfundon Enca në postimet e saj.
