Orgesa Zaimi kërceu në “Dance Albania” dhe performanca e saj ishte mjaft prekëse. Ajo u emocionua pasi u shoqërua në firzamonikë nga babai i saj.
Mirëpo, Orgesa nuk i mbajti dot lotët.
“Është shumë emocionuese për mua. Doja të thoja se kam pasur emocionet më të frikshme ndonjëherë në 16 vite karrierë si këngëtare sepse e kam marrë babain me vete dhe doja ta falenderoja publikisht bashkë me mamin që më kanë lindur dhe doja t’i falenderoja që më kanë lënë të lirë të ëndërroj dhe të ndjek ëndrrat e mia. Faleminderit, mami, babi ju dua”,- tha këngëtarja.
Orgesa Zaimi do të konkurrojë në “Kënga Magjike” me këngën e saj të titulluar “Shiu i Tetorit”. Teksa ishte e ftuar tek “Rudina”, Orgesa tha se e shijon shumë eksperiencën dhe nuk e ka thënë ndonjëherë që e do fitoren.
Pjesë nga intervista:
Rudina Magjistari: Pritshmëritë janë të larta besoj, edhe në “Këngën Magjike” apo jo?
Orgesa Zaimi: Tani të gjithë duhet të thonë që unë do fitoj, por unë nuk e them këtë sepse nuk e kam thënë ndonjëherë dhe nuk jam futur ndonjëherë në ndonjë kompeticion për ta fituar ose me pretendim, nuk jam futur asnjëherë në asnjë kompeticion me pretendim. Unë e shijoj jashtëzakonisht eksperiencën.
Rudina Magjistari: U bë i shtati vit që ti merr pjesë në “Këngën Magjike”. Sa çmime ke grumbulluar deri më tani?
Orgesa Zaimi: Po, finalet gjithmonë i kam kapur.
Rudina Magjistari: Kështu që ke marrë nga një çmim.
Orgesa Zaimi: Por për mua të them të drejtën Rudina, “Kënga Magjike” është një nga festivalet, për të mos thënë i vetmi që është realisht shumë promovues për artistin. Promovimi vazhdon javë pas jave, është në vëmendjen e njerëzve kënga gjatë gjithë kohës, kështu që më pëlqen fakti që jam pjesë e festivalit. Ka qenë një eksperiencë gjithmonë e mirë. Të them të drejtën, ndihem si në shtëpi në “Kënga Magjike”. Nuk e di nëse do të marr pjesë përsëri, por këtë herë them që mund të jetë hera e fundit, pastaj them mund të bëj një pushim.
Rudina Magjistari: U dashka fituar me patjetër.
Orgesa Zaimi: Nuk dua ta them këtë se nuk dua të nxis… për mua fitore është kënga.
