Këngëtari Blero Muharremi dhe aktorja e njohur Teuta Krasniqi, edhe pse të ndarë çdo datë 27 prill kanë një arsye të fortë për të qenë bashkë. Më 27 prill të vitit 2010 ka ardhur në jetë vogëlushja e tyre Tara, e cila ua ka zbukuruar jetën.
Tara i dha emrin baba Bleros dhe ai nuk ngurron që ta tregoj vazhdimisht se sa i bekuar është që e ka në jetën e tij. Sot princesha e tij e vogël feston ditëlindjen dhe Blero i ka emocionuar të gjithë me urimin ndjerë që ka ndarë me fansat e tij në Instagram.
“Urime ditëlindja frymëmarrja ime. Është e kotë çfarëdo që shkruaj, është e kotë çfarëdo që këndoj dhe e interpretoj, e kotë është edhe nëse mundohem përmes këtyre vargjeve me ta shpreh dashurinë. Thjesht çfarëdo që unë shkruaj për ty, asgjë nuk e ka peshën tënde. Si një urim i një babe që për një sekondë shuhet kur fillon të uron e të lavdëron. Thjesht ti je bekim nga Allahu. Faleminderit Allah që për mua gjithçka që ka kuptim e arsyeton. Ti je vetë jeta Tara Muharremi”-ka shkruar Blero bashkangjitur një fotografie ku atë e bijë shkëmbejnë një përqafim plot dashuri.
