Ndarja nga Stefano de Martino, la gjurmë të forta në jetën e Emma Marrone-s. Por këngëtarja vendosi të flasë për herë të parë lidhur me tradhtinë që i erdhi nga Belen Rodriguez, në botimin e saj autobiografik “Dentro e tutto acceso” (“Brenda është gjithçka e ndezur”).
Ajo rrëfen se në krah të Stefano-s kishte gjetur gjithçka: “Nuk na duhej asgjë më shumë, derisa erdhi “cunami”: Belen Rodriguez”.
“Befas një cunam përfshiu gjithçka dhe të gjithë, aq shumë sa druaja se edhe gjithë sakrificat që kisha bërë për muzikën do të shkonin në djall nga ajo zhurmë e mallkuar mediatike”, shkruan Emma.
Pas dy vitesh marrëdhënieje që nisi gjatë “Amici”-t, u publikuan fotot e para të Stefano de Martino-s me Belen Rodriguez. Këtë rast Belen e shfrytëzoi për të kthyer vëmendjen e medias drejt saj, ndërsa nga ana tjetër Emma, siç shkruan në libër, po përjetonte një periudhë shumë të errët.
Ajo thotë se ndihet gati të dashurojë, por jo të martohet. Dëshira e saj e vetme është të bëhet nënë: “Kurrë nuk e kam përfillur idenë e hyrjes në kishë, të festës mondane me shumë të ftuar. Nga ana tjetër ama, ëndërroj një familje, fëmijë”.
Burimi: Oggi
